ബലാത്സംഗ കേസിൽ പ്രതിയായ നി‍മ്മാതാവും നടനുമായ വിജയ് ബാബു ഒളിവിലെന്ന് എറണാകുളം ഡിസിപി വി യു കുര്യക്കോസ്.

ബലാത്സംഗ കേസിൽ പ്രതിയായ നി‍മ്മാതാവും നടനുമായ വിജയ് ബാബു ഒളിവിലെന്ന് എറണാകുളം ഡിസിപി വി യു കുര്യക്കോസ്.


കൊച്ചി: നി‍മ്മാതാവും നടനുമായ വിജയ് ബാബു ഒളിവിലെന്ന് എറണാകുളം ഡിസിപി വി യു കുര്യക്കോസ്. ഇന്ന് തന്നെ ബലാത്സംഗ കേസില്‍ പ്രതിയായ വിജയ് ബാബു ഇരയുടെ പേര് സോഷ്യല്‍ മീഡിയയിലൂടെ വെളിപ്പെടുത്തിയതിന് കേസ് എടുക്കുമെന്നും അന്വേഷണം പുരോഗമിക്കുകയാണെന്നും ഡിസിപി അറിയിച്ചു. യുവ നടിയുടെ പരാതി എറണാകുളത്തെ ഫ്ലാറ്റില്‍ വെച്ച്‌ സിനിമയില്‍ കൂടുതല്‍ അവസരങ്ങള്‍ വാഗ്ദാനം ചെയ്ത് പ്രലോഭിപ്പിച്ച്‌ നിരവധി തവണ ബലാത്സംഗം ചെയ്തെന്നാണ്. എറണാകുളം സൗത്ത് പൊലീസാണ് പരാതിയുടെ അടിസ്ഥാനത്തില്‍ വിജയ് ബാബുവിനെതിരെ ബലാത്സംഗ കുറ്റം ചുമത്തി കേസെടുത്തത്. വിജയ് ബാബുവിനെതിരെ ചുമത്തിയിട്ടുള്ളത് ബലാത്സംഗം, ഗുരുതരമായി പരിക്കേല്‍പ്പിക്കല്‍ തുടങ്ങിയ കുറ്റങ്ങള്‍ക്കുള്ള വകുപ്പുകളാണ്. യുവതി വിജയ് ബാബുവിനെതിരെ പരാതിയുമായി പൊലീസിനെ സമീപിച്ചത് ഈ മാസം 22നാണ്. വിജയ് ബാബു കേസെടുത്തതിന് പിറകെ വിദേശത്തേക്ക് കടന്നതിനാല്‍ ഇതുവരെയും ഇയാളെ പൊലീസിന് ചോദ്യം ചെയ്യാന്‍ കഴിഞ്ഞിട്ടില്ല.

അതിനിടെ പരാതിക്കാരി വിജയ് ബാബുവിനെതിരെ കൂടുതല്‍ ആരോപണങ്ങളാണ് ഉന്നയിക്കുന്നത്. അതിക്രൂര ബലാല്‍സംഗമാണ് നടന്നതെന്നും പലതവണ മദ്യം നല്‍കി അവശയാക്കി പീഡിപ്പിച്ചുവെന്നും പരാതിക്കാരി പറയുന്നു. നഗ്നവീഡിയോ റെക്കോര്‍ഡ്ചെയ്തുവെന്നും ഇത് പുറത്ത് വിടുമെന്ന് ഭീഷണിപ്പെടുത്തിയെന്നും പരാതിക്കാരി വെളിപ്പെടുത്തി. നടിയുടെ തുറന്ന് പറ‌ച്ചില്‍ വിമെന്‍ എഗയ്ന്‍സ്റ്റ് സക്ഷ്വല്‍ ഹരാസ്‍മെന്‍റ് ഫേസ്ബുക്ക് ഗ്രൂപ്പിലൂടെയാണ്.